Экология

Үкімет сақтандырылмаған мал шығынын өтемейді

  Үкімет сақтандырылмаған мал шығынын өтемейді

       Қазақстан үкіметі сақтандырылмаған мал шығынын өтемейді. Бүгін, сәуірдің 4-іне парламент мәжілісіндегі үкімет сағатына келген Ауыл шаруашылығы министрі Ербол Қарашүкеев журналистер сұрағына осылай жауап берді.

       - Су тасқынында өлген мал шығынын үкімет өтейтіні заңда көрсетілмеген,- деді ол.

       Биыл көктем шыға Қазақстанның әр өңірінде су тасқыны болып, тұрғын үйлерге, мал шаруашылығына залал келтіре бастағаны байқалған. Батыс Қазақстан,Ақтөбе облыстарында бірнеше елдімекенді су алып  ондаған үйдің тұрғындары уақытша баспанаға көшірілген. Су басқан аймақта тұратындар мал шығыны барын хабарлаған.

       Ербол Қарашөкеевтің айтуынша, мал шығынын үкімет өтемесе де, өлген мал басы саналады. Ондай мәліметті жергілікті әкімдіктер жинап, министрлікке тапсырады.

       Қазақстанда 2020 жылдың күзінен бастап малды сақтандыру жүйесі бекітілген. Бұл жүйе бойынша сақтандырылған мал инфекциялық аурулардан, қауіпті табиғи құбылыстардан, жазатайым оқиғалардан өлсе, шығынын "Ауыл шаруа­шылығын қаржылай қолдау қоры" төлейді.

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру