Санды технологиялар

Twitter 44 млрд АҚШ долларына сатылды

  Twitter 44 млрд АҚШ долларына сатылды

Компанияның Директорлар Кеңесі әлемге танымал қалталы азамат Илон Масктің  ұсынысын қабылдады. Сәуір айының ортасында Twitter-дің иелеріне компанияны сату туралы ұсыныс жасаған Илон Маск бұл әлеуметтік желінің жүзеге асырылмаған әлеуеті зор екенін және оны өзінің іске асыра алатынын ойын жариялаған.

Сәуір айында Маск Twitter-дің 9,2% акциясын 2,89 миллиард АҚШ долларына сатып алып, компанияның ең ірі акционері атанды.

Бір апта бұрын болашағы белгісіз болып көрінген мәміле жайлы талқылаулар өткен аптаның соңында қарқын алды. Маск компания акционерлерін шақырып, олармен мәміленің қаржылық егжей-тегжейлерімен бөлісті.

Акционерлердің қысымына ұшыраған Twitter бір акцияға 54,20 доллар ұсынған Маскпен келіссөздерді бастады. Бұл жаңалық шыққан кезде Twitter акцияларының биржадағы бағасы 6%-ға көтерілді, деп хабарлады ҚазАқпарат.

Ағымдағы мәміленің бағасы Масктың акциялардың 9%-ын сатып алуы туралы хабарландырудан бір күн бұрынғы сауда қорытындысымен салыстырғанда 40% жоғары болып тұр.

Фотосурет sputniknews.com  сайтынан алынды

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру