Соңғы бірнеше күнде Шыңжаңның Тұрпан қаласында үздіксіз жоғары температура сақталды. «Жалынтау» көрініс аумағы маңында жер бетіндегі ең жоғары температура 80°C-қа дейін жетті. Бірақ осындай ыстық болса да туристердің келуі еш төмендеген жоқ, олар керісінше «өте ыстық» сезімді бастан кешіруді қалады, – деп жазады «ҚазАқпарат» Қытайдың Орталық халық радиосы ақпарат порталына сілтеме жасап.

       Шілденің 16-сы күні Шыңжаңның Тұрпан қаласындағы ауа райын бақылау бекетінің мәліметінше, ең жоғары температура 45°С-тан басталған, кейбір жерлерде ең жоғары температура 50°С-тан асты.

       Жалындаған «Жалынтаудың» көркем аймағында қызыл-қоңыр тау аптап ыстық күн астында жалындап тұрды.

Күндізгі сағат 3-те температура ыстықтың ең жоғары шегіне жететіні белгілі. Көрікті аймақтағы алып термометр нақты уақыттағы топырақтың үстіңгі беті температурасының 80℃-қа жеткенін көрсеткен.

«Қазіргі уақытта «Жалынтау» көркем аймағына келетін туристер саны күніне 6000-ға жуық адамды құрайды. Температураның жоғары болуына байланысты жергілікті жерде аптап ыстықтан сақтану және салқындату үшін түрлі шаралар қабылдануда. Туристерге балмұздақ беріп қана қоймай, сонымен қатар сыртқы кондиционерлерді ұйымдастырып, аптап ыстықтан сақтануға дәрі-дәрмек әзірледі», – деп жазды Қытайдың «Орталық халық радиосы».