Алматыда «Түнгі қаладағы балалар» іс-шарасы басталды. Бұл турлаы Standard.kz порталы  Алматы қалалық полиция Департаменті Баспасөз қызметіне сілтеме жасап хабарлайды. 

 Түрлі құқықбұзушылықтары үшін 152 жасөспірім полицияға жеткізілді -
 бұл «Түнгі қаладағы балалар» республикалық алдын алу іс-шарасының бірінші күнінің қорытындысы. 17-19 шілде аралығында кәмелетке толмағандар арасындағы құқық бұзушылықтың жолын кесу және алдын алу бойынша жедел-алдын алу іс-шарасы жүргізіліп жатыр.   

"Саябақтарды, алаңдарды, қараусыз қалған үйлерді және жасөспірімдер жүруі мүмкін деген басқа жерлерді де тексереміз.  Бір тәулік ішінде ІІО-на 152 жасөспірім жеткізіліп, 138 әкімшілік құқық бұзушылық анықталды.  9 жасөспірім арнайы есепке алынды.  Қараусыз және панасыз қалғаны үшін 11 бала кәмелетке толмағандарды бейімдеу Орталығына орналастырылды», - деді, Алматы қалалық ПД Жергілікті полиция қызметі Басқармасы бастығының орынбасары, полиция полковнигі Диас Дуанбеков.

Фото almaty.tv