Мемлекет

Төмендетілген процентпен "жасыл ипотека" берілуі мүмкін

  Төмендетілген процентпен "жасыл ипотека" берілуі мүмкін

Төмендетілген процентпен "жасыл ипотека" берілуі мүмкін

"Отбасы банк" АҚ басқарма төрағасы Ләззат Ибрагимова банкте "Жасыл ипотека" жобасы әзірленіп жатқанын айтты. Ипотека қатысушылары энергиялық тиімді пәтерлерді төмендетілген пайыздық мөлшерлемемен сатып ала алады.

Ләззат Ибрагимованың  айтуынша, бүгінде Қазақстандағы барлық үй шаруашылығының жалпы шығынынан жылу энергиясына жұмсалатын шығынның үлесі 3%-тен аспайды. Демек адамдарда тұрғын үйдің энергия тиімділігін арттыруға және ресурстарды үнемдеуге деген ынта жоқ. Сол себептен тұтынушыны ынталандыру қажет дейді спикер.

"Демек әуел бастан энергиялық тұрғыда тиімді тұрғын үйде тұратындарға басымдық беретін мүмкіндіктер мен ресурстар құру қажет. Бұл жерде "Жасыл ипотека" үшін үлкен әлеует бар. Біз қазір тиісті жобаны әзірлеп, есеп-қисап жүргізіп жатырмыз", – деді Ләззат Ибрагимова.

Сондай-ақ спикер бірінші кезеңде жаңа ипотекалық өнім халықаралық қаржы ұйымдарының ресурстары есебінен іске асырылуы мүмкін екенін атап өтті. Екінші кезеңде мамандандырылған облигациялар шығару арқылы жүзеге асырылады деп болжануда.

"Адам энергия тиімділігі орташа деңгейден жақсы тұрғын үйді сатып алғанда, ол кредит бойынша төмендетілген мөлшерлеме түрінде және ай сайынғы төлемге жұмсалатын шығындарды үнемдеу түрінде сыйақы ала алады. Содан кейін біз жасыл қаржы мен энергияны үнемдеу туралы мобильді қосымша деңгейінде ойлайтын тұтынушылар класын құрамыз", – деді Ләззат Ибрагимова.

Айтуынша, әйелдер ипотекасы іске қосылған кезде көпшілік бұл өнім пайдаланылмай қалады деген сенімде болған. Бірақ бағдарламаға бөлінген екінші транш 15 күннің ішінде таусылып қалған.


Мәтіндегі ақпарат туралы

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру