TikTok-қа 7 елде толығымен тыйым салынса, ал АҚШ-та шектеу қойылған.

Осынау танымал әлеуметтік желі  көптеген елдің үкіметі тарапынан деректердің қауіпсіздігі мен құпиялылығы мәселелері бойынша күшейтілген бақылауға алынды.

TikTok-қа біздің елде де тыйым салынуы мүмкін. Себебі Астанада Парламент Мәжілісінің отырысында Әкімшілік құқық бұзу туралы кодекске масс-медиа мәселелері бойынша өзгеріс енгізетін ілеспе заң жобасы мақұлдады. 

Құжатты таныстырған Мәдениет және Ақпарат министрі Аида Балаева жаңа заң Әкімшілік кодекстің екі бабына өзгерту енгізуді талап ететінін айтты. Ол жиыннан соң  тілшілердің "Tik-Tok әлеуметтік желісіне Қазақстанда тыйым салына ма?" деген  сұрағына жауап берді. Министрдің сөзінше, Қазақстан көрші елдердің тәжірибесін назарда ұстап отыр. Дегенмен, нақты шешілген дүние емес. Ұлттық қауіпсіздікке ықпалын тигізсе, бұл мәселе қарастырылуы мүмкін екенін айтты.

Аида Балаева, ҚР Мәдениет және ақпарат министрі: — Біз көрші елдердің тәжірибесін қарап отырмыз. Шынымен де қазіргі таңда құқық бұзушылық фактілер әлеуметтік желідегі материалдарда тым көбейіп кетті. Енді оның барлығы біздің ұлттық қауіпсіздігімізге ықпал етсе, әлбетте, осындай шара қабылдауға тура келеді. Бұл шешілген дүние емес. Бұл әрі қарастырылып, одан кейін жалпы талқылауға түсетін сұрақ.

Естеріңізге сала кетсек, бүгінгі таңда Өзбекстан мен Қырғызстанда TikTok-ты қолдануға болмайды. 

Фото pexels.com.

TikTok тыйым салынған немесе қандай да бір жолмен шектелген елдер. 

1-Үндістанда толық тыйым салынған.  2020 жылдың маусымында елдің қауіпсіздігі мен тұтастығына қауіп төндіруі мүмкін деген алаңдаушылыққа байланысты барлық құрылғыларда TikTok-қа тыйым салынды. TikTok ресми түрде елдегі жұмысын толығымен тоқтатты.

2-Ауғанстанда толық тыйым салынған 2022 жылы Талибан "жас ұрпақтың адасуына жол бермеу"үшін елде TikTok-қа тыйым салды. Алайда тыйым әлі күшіне енген жоқ. 

3-Пәкістанда шектеу  2022 жылдың қарашасында қабылданды. Пәкістан үкіметі аталған қосымшада орынсыз және әдепсіз материалдар бар деп мәлімдейді. 

4-Тайвань толығымен тыйым салынған 2022 жылдың желтоқсанында Тайваньда TikTok-қа мүлдем тыйым салынды және оның аралдағы заңсыз әрекеттері туралы тергеу басталды.

5-АҚШ үкіметі қытайлық ByteDance бас компаниясына қатысты ұлттық қауіпсіздік мәселелеріне байланысты федералды үкімет ұсынған құрылғыларда TikTok-ты пайдалануға тыйым салды. Қытай үкіметі мұндай құрылғыларға қол жеткізу және американдық пайдаланушылар туралы ақпарат алу үшін TikTok-ты қолдана алады деген алаңдаушылық бар.

6-ЕО. Қауіпсіздік шарасы ретінде Еуропалық Одақтың атқарушы билігі қызметкерлерге телефондарына TikTok орнатуға тыйым салды. Елдерге Швеция, Дания және басқалары кіреді.

7  Канаданың Федералды Үкіметі жақын арада құпиялылық пен қауіпсіздікке ықтимал қауіптерге байланысты TikTok-ты ресми құрылғыларына орнатуға тыйым салатынын айтты. Сонымен қатар, Бағдарлама Канада үкіметі шығарған ұялы телефондардан жойылады.