2008 жылғы Олимпиада чемпионы Бақыт Сәрсекбаев  Ташкентте өтетін бокстан U-22 Азия чемпионатына қазақ спортшыларын қатыстырмау туралы  Қазақстан Ұлттық Олимпиада комитетінің шешіміне қатысты пікір білдіріп, Instagram парақшасында жазба жариялады.

       «Тағы да спорт зардап шегеді… Спортшылар болған оқиғаларға байланысты Азия чемпионатына бармайды деген КЗ бас бапкерінің мәлімдемесінен кейін үмітіміз өшті.

       «Соңғы оқиғаларға байланысты ҚР ҰОК барлық оқу-жаттығу жиындары мен жарыстарға қатысудан бас тартты», — дейді Қайрат Сатжанов.

       Айтыңызшы, ҰОК мұндай шешімді қандай негізде қабылдайды? Мұны ҰОК емес, Мәдениет және спорт министрлігі шешеді, олардың құзыретінде. Соғыс кезінде де Олимпиада ойындары өткізіліп, дұшпандық пен соғысқа қарамастан барлық елдер қатысты. Спорт әрқашан барлық халықтарды жинады. Ал қазір біздің елімізге спортшыларымыздың еліміздің рухы мен Туын көтергені өте қажет.

       Сіз ҰОК шешіміне сілтеме жасайсыз. Сіз бұл құжатты халыққа жариялайсыз, оған кім қол қойды? Бүкіл Азия алдында Қазақстанды төмендету үшін кім осындай батыл шешім  қабылдады? Біз – «азиялық кубалықтармыз», біз-феноменбіз, бүкіл Азияны қазақ боксы ұстап отыр.

       Мен 2005, 2006, 2007 жылдары қатарынан Қазақстаннан Азия чемпионы атандым. Менің нәтижемді әлі күнге дейін  бірде-бір боксшы қайталаған жоқ.  Өзбекстан үшін көрсеткен нәтижелер туралы  айтып отырған жоқпын. Бұл азиялық жеңістер мені 2008 жылы Пекиндегі жеңіске шабыттандырды. Ол кезде Куба 40 жыл ішінде алғаш рет бокстан алтын медальсыз қайтты. Мұның бәріне мен Азия чемпионаттарындағы жетістіктерімнің арқасында қол жеткізген болармын.

       Сіз Токио-2020 және Париж-2024-тегідей нәтижелерді көргіңіз келе ме? Сіздер спортшыларымызға Азия чемпионатына және одан әрі Азия ойындарына қатысуға лайық емес екендерін айтып, елімізді және оларды төмен түсіргіңіз келе ме?»- деп жазды ол.

       Бұған дейін бокстан 22 жасқа дейінгі спортшылар арасындағы Азия чемпионатына қазақстандық спортшылар қатыспайтынын  команданың бас бапкері Қайрат Сәтжанов мәлімдеген еді.