Таразда облыстың инвестициялық белсенділігін ынталандыру мақсатында «Zhambyl Economic Investment Forum - 2023» халықаралық инвестициялық форумы өтеді.

Бұл туралы Жамбыл облыстық өңірлік коммуникациялар қызметінде өткен баспасөз брифингінде мәлім болды.

«Форум 26-27 cәуір күндері өтеді деп жоспарланып отыр. Онда өнеркәсіп, агроөнеркәсіп, туризм, цифрландыру салалары қамтылады. Форумға жетекші халықаралық компаниялар мен отандық бизнестің 700-ден астам өкілі, инвесторлар, сарапшылар мен пікір көшбасшылары шақырылады.

Жалпы, форумның мақсаты – облыстың даму бағыттарын жандандыруға қолайлы әрі жаңа технологияларға бағдарланған инвестициялық, іскерлік, креативті ортаны қалыптастыру. Постиндустриалды экономикада өңірдің стратегиялық дамуының ғылыми техникалық және әлеуметтік идеяларын іске асыру», – деді Жамбыл облыстық кәсіпкерлік және индустриалды-инновациялық дамыту басқармасының басшысы Аспандияр Сейсебаев.

Айта кетейік, былтыр облыста 15 инвестициялық жоба іске асып, 1095 жаңа жұмыс орны ашылды. Инвестиция көлемі 2,3 пайызға артты.

Фото turaninfo.kz