Шымкентте 18 вагон аударылып кетті

Шымкентте 18 вагон, оның ішінде 17 бос вагон бүйіріне аударылып кетті, деп хабарлады қалалық төтенше жағдайлар департаменті.

Төтенше жағдай туралы хабарлама 11 мамырда сағат 16.37-де түскен. Оқиға Абай ауданындағы Игілік-Бадам темір жолының 3266 км учаскесінде болды.

"Вагондар "Шымкент-Арыс" бағытындағы №2489 жүк пойызының құрамында (жалпы саны 57 вагон) болды. Салдарынан әуе электр желілерінің 11 тірегі зақымдалған, темір жол төсемі ішінара зақымданды", - делінген хабарламада.

Аталған стансада вагондардың істен шығуына байланысты "Алматы-Маңғыстау" бағытындағы №77 жолаушылар пойызы 1 сағат 15 минутқа кідірді.

Жөндеу-қалпына келтіру жұмыстарына "ҚТЖ ҰК" АҚ (55 адам және 1 қалпына келтіру пойызы) күштері жұмылдырылды.

Зардап шеккендер жоқ.

Оқиға орнына Шымкент қаласы ТЖД басшылығы, жеке құрамның 14 адамы және 4 бірлік техникасы шықты.

Қазақпарат

© Photo : Шымкент қаласы төтенше жағдайлар департаменті