Шетелде қалып қойған барлық қазақстандық туристер 19 қаңтарға дейін елге қайтарылады

Рейстердің кешігуіне байланысты 275 турист оралады деп күтілуде

Шетелде қалып қойған барлық қазақстандық туристер 19 қаңтарға дейін отанына қайтарылады, деп хабарлайды ҚР Мәдениет және спорт министрлігі.

6-17 қаңтар аралығында Қазақстанға 90-ға жуық тұрақты және 30 чартерлік рейс арқылы 7361 турист оралғаны атап өтілді.

 «17 қаңтардағы жағдай бойынша рейстердің кешігуіне байланысты 275 турист оралады деп күтілуде, оның ішінде Таиландта 192, Шри-Ланкада 25, Мальдив аралдарында 34 және Гоада 24 турист. 19 қаңтарға дейін барлық ұйымдасқан туристер Қазақстанға оралады», - делінген хабарламада.

Министрлік туроператорлар Қазақстан консулдықтарының қолдауымен туристерді шетелдік қонақүйлерде өз қаражаты есебінен орналастыруды қамтамасыз ететінін атап өтті.

Шетелде жүрген барлық туристер рейстердің кейінге қалдырылғаны туралы ескертіледі....

Мәтіндегі ақпарат туралы