2024 жылы саяхаттау үшін әлемдегі ең қауіпсіз елдер аталды: жаңа көшбасшы пайда болды

Berkshire Hathaway Travel Protection сарапшылар тобы 2024 жылы баруға болатын әлемдегі ең қауіпсіз елдердің рейтингін жасады. 

Express басылымы хабарлағандай, Канада бірнеше көшбасшы елдер -  Исландия мен Норвегияны ығыстырып, рейтингтің көшін бастады. Зерттеу аясында компания сарапшылары соңғы бес жылда әртүрлі елдерге барған саяхатшылар арасында сауалнама жүргізгенін, сондай-ақ Жаһандық Бейбітшілік индексі мен АҚШ Мемлекеттік департаментінің саяхат қауіпсіздігі рейтингтерінің деректерін зерттегенін атап өтті.

Атап айтқанда, Канада бұл жерде жасалған зорлық-зомбылық қылмыстарының аздығына байланысты рейтингте көш бастады. Сондай-ақ, бұл ел террористік қауіптер тұрғысынан, сондай-ақ әйелдер мен LGBTQ+ саяхатшылары үшін ең қауіпсіз деп танылды.

Рейтингте екінші орын терроризм және әйелдер үшін әлемдегі ең қауіпсіз орындардың бірі деп танылған Швейцарияға бұйырды. 

Норвегия зорлық-зомбылық қылмысының төмен деңгейімен үшінші орынға ие болды.

2024 жылы баруға болатын әлемдегі ең қауіпсіз 10 ел

1. Канада

2. Швейцария

3. Норвегия

4. Ирландия

5. Нидерланды

6. Великобритания

7. Португалия

8. Дания

9. Исландия

10. Австралия

Енді ең қауіпті елдерге де тоқтала кетсек.

Оңтүстік Судан, Ливия және Ауғанстан 2024 жылы баруға болатын ең қауіпті елдер тізіміне енді.

Газадағы, Ливандағы, Ресейдегі және Африканың Сахель аймағындағы қақтығыстар қауіп төндіретін көздер ретінде атап өтілді. 

Венесуэла, Гондурас және Гаити сияқты Орталық және Оңтүстік Америка елдерінде саяхатшылар үшін тәуекел "жоғары" деп бағаланады.

Айта кетейік, Қазақстан картада "Медицина", "Психикалық денсаулық", "Қауіпсіздік" санаттары бойынша тәуекел деңгейі орташа және "Климаттың өзгеруі" санатында жоғары деңгейі бар ел ретінде көрсетілген.

Фото batona.net.