© Photo : Сайт международного аэропорта Актау

Ресейлік туроператор Fun&Sun сәуір айының соңынан бастап Ақтауға ұшатын чартерлік бағдарламаны іске қосады, деп хабарлайды РИА Новости.

Ресей туристік индустрия одағының вице-президенті Юрий Барзыкиннің айтуынша, Ресейден Қазақстанға туристік чартерлік бағдарламалар биылғы жазда басталуы мүмкін.

"Мәскеуден чартерлік рейс бағдарламамыз 14 мамырда Жуковский әуежайынан басталады. 6 маусымда оған Внуководан рейстер қосылады. Ұшу бағдарламалары аймақтардан да орындалады: Қазаннан - 13 мамырдан, Екатеринбургтен - 30 сәуірден басталады", - деді Fun&Sun туроператорларының өкілдері.

Туроператор биылғы жазда Ақтауға туристік жолдамаларды сату белсенді жүріп жатқанын атап өтті. Халық курорттық аймақтағы қонақ үйлерге тамыз айының соңына дейін тапсырыс берген.

Қазақпарат