Ресейде коронавирустың өз штаммы пайда болуы мүмкін

Ресейде COVID-19 жаңа түрі пайда болуы мүмкін.  Бұл туралы аса қауіпті инфекциялар жөніндегі маман, иммунолог Владислав Жемчугов айтты, деп хабарлайды   DEITA.RU.

Оның айтуынша, бұған жол бермеу үшін елдегі коронавирус мөлшерін тез және айтарлықтай азайту керек. 

Осыған байланысты сарапшы вакцинацияланбаған барлық ресейліктерді коронавирусқа қарсы вакцинациядан тезірек өтуге шақырды.

Ол сондай-ақ, елде ұжымдық иммунитет дамыған кезде жаңа штаммның пайда болу  ықтималдығы нөлге дейін төмендейтінін түсіндірді.  Бұған дейін ғалымдар егер адамзат жалпы вакцинацияны кешіктірсе, онда вирус Денсаулық сақтау жүйесінде оны жеңудің ешқандай жолы болмайтындай дәрежеде  өзгеруі   мүмкін  деп   ескертті.