Біз қалай өмір сүреміз?

Бөлісу

Қызылордада коммуналдық қызметкерлер көшедегі тастарды жуып жүр

Қызылордада коммуналдық қызметкерлер көшедегі тастарды жуып жүр

Қызылордада коммуналдық қызметкерлер көшедегі тастарды жуып жүр

Қала белсендісі Сәбит Сұлтан желіде жеңіл гранитті тастарды қолмен жуып жатқан тұрғын үй-коммуналдық шаруашылық қызметкерлері бейнеленген суретін жариялады.

Соңғы уақытта мұндай тастар Қызылордада Сырдария жағалауындағы жолдар мен тас жолды бөліп тұратын кең жолақтарға сәндік үшін төселіп жүр.

"Сіздерді қайдам, бірақ менің ойымша, жағалау бойына төселген ақ тастар мен бес километрге созылып жатқан қоршауды қолмен жуу өнбейтін тірлік. Бұл ақылға қонымсыз. Осы қоршау мен мына тастарды неге алып тастамасқа? Күз бен көктем бойы қоршауды жуды. Енді бір ай бойы тастарды қолмен жуып жатыр. Неге? Қалада басқа шаруа жоқ па? Әлде қаражат, жұмысшы, техника, су көп пе? Түсінбедім", - деп жазды Сәбит Сұлтан өзі жариялаған сурет астындағы жазбада.

Сәбит Сұлтанның постына пікір қалдырған ондаған қызылордалық оның осы ойымен келіссіп қана қоймай, коммуналдық шаруашылық жұмысшыларына аяушылық танытпай отырған қала билігін сынға алды.

"Тас жуғанды естігенім де, көргенім де осы! Не деген сұмдық!", "Қанша арнайы техника қолданып, суды ысырап етіп, жолды бөгеп, бүкіл лай су автокөлік жүретін жолға ағып жатыр. Бұл бірреттік жұмыс емес екені анық", "Шығынды ойлап жатқан ешкім жоқ. Содан кейін бюджетте ақша жоқ деп құтылады", "Тастар бекітілмеген, қайта-қайта шашылып кетіп жатыр. Ал оны не себепті жуып жатқаны түсініксіз", "Адам күшін тиімсіз қолданудың бұдан өткен үлгісін көрмедім" деген сынды пікір қалдырды қызылордалықтар.

Алайда, Сәбит Сұлтан бұл посты бірнеше күн бұрын жариялағанына қарамастан, қалалық тұрғын үй-коммуналдық шаруашылығы бөлімі осы мәселеге қатысты ешқандай пікір білдірмеді.

Мәтіндегі ақпарат туралы

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через