Қазақстан мен Қытай Халық Республикасы арасында екіжақты виза режимі туралы келісім бекітілді, деп хабарлайды Standard.kz порталы ҚазАқпаратқа сілтеме жасап.

«Тараптар уағдаласқан келісімнің 2-бабына сәйкес, екі ел азаматтары іскерлік мақсатпен, жұмыс бабымен, жеке іспен, емделуге немесе турист ретінде барам деушілерге визалық талаптар алынып тасталды. Мемлекеттік шекараны кесіп өткен сәттен бастап 30 күннен аспайтын кезеңге ел аумағында бола алады. Егер уағдаласушы елдердің азаматтары келісімнің 2-бабы 1-і тармағында көзделген, яғни мемлекетке барудағы мақсаты мен мерзімі сәйкес келмеген жағдайда алдын ала визаға өтініш беруі тиіс», - делінген ресми құжатта.

Қазақстан азаматтарынан талап етілетін құжаттар:

- Қазақстан Республикасы азаматының төлқұжаты;

- Қазақстан Республикасына қайтып оралу туралы куәлік.

Қытай азаматтарынан сұралатын құжаттар:

- Қытай Халық Республикасы азаматының жартылай қызметтік паспорты;

- Қытай Халық Республикасы азаматының паспорты;

- Қытай Халық Республикасының уақытша жол жүру құжаты.

Үкімет қаулысының толық нұсқасымен осы сілтемеде танысуға болады.