Саяхат

Бөлісу

Қазақстандықтардың жартысына жуығының қалтасы жазғы демалыс шығындарын көтермейді

  Қазақстандықтардың жартысына жуығының қалтасы жазғы демалыс шығындарын көтермейді

     Шетелде демалатындардың 40 пайызға жуығы Түркияны таңдаған.

     OLX сервисі қазақстандықтар арасында жазғы демалысты өткізу жоспарлары туралы сауалнама жүргізді. Респонденттердің 40 пайызы қаржылық қиындықтарға байланысты жазғы демалысты жоспарламайтыны анықталса, 30 пайызы Қазақстан ішінде, ал 10 пайызы қаладан тыс жерде және тек 20 пайызы шетелде демалатынын айтып жауап берді.

 

     Жазғы маусымда қазақстандықтардың арасында сұранысқа ие сыртқы туристік бағыт Түркия. Сұралғандардың 37% осы елде демалыс өткізуді жоспарлап отыр. Сондай-ақ, Ресей (7%), Мысыр және Еуропа елдері (6%) де сұранысқа ие.

     Ішкі туризмде қазақстандықтар танымал жер деп Алакөлді атаған. Сауалнамаға қатысқандардың 28 пайызы осы бағытта демалысқа аттанады. Сауалнама деректері бойынша, орташа статистикалық қазақстандық отбасы 2-4 адамнан тұрады. Орташа есеппен біздің отандастарымыз сыртқы туристік бағыттарға 1 млн теңгеден артық емес (75%) және ел ішінде 300 мың теңгеден артық емес демалысқа жұмсауға дайын (76%). 

 

 

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через