Екі аяқсыз дүниеге келген қазақстандық жасөспірім Әли Тұрғанбеков италиялық атақты футболшы Андреа Пирломен кездесті.

«Міне, мен челленджді @andreapirlo21-мен жалғастырып отырмын. Мен алаңға тағы бір жұлдызбен, Италия құрамасының әлем чемпионымен шықтым. @juventus-тің бұрынғы бапкері. Керемет эмоция мен әсер алдым. Өте ашық, қарапайым әрі мейірімді @andreapirlo21-ге кездесу үшін алғыс айтамын!», - деп жазды Әли Тұрғанбеков Instagram-дағы парақшасында.

Андреа Пирло – танымал италиялық футболшы, Италия құрамасының сапында ойнап, әлем чемпионы атанған. «Милан» және «Ювентус» құрамаларында өнер көрсетіп, А сериясының бірнеше дүркін жеңімпазы болған. Кейін А. Пирло «Торино» командасының жаттықтырушысы қызметіне ауысты.

Бұған дейін Әли Тұрғанбеков бірқатар спорт және медиа саласының танымал тұлғаларымен кездескен. Ол есімі аңызға айналған футболшы Диего Армандо Марадонаға шапан сыйлады.

2019 жылы сәуірде ол Лионель Мессимен, сол жылдың желтоқсанында Хабиб Нурмагомедов және Криштиану Роналдумен жүздесті.

Фото: www.instagram.com/ali_amir_happy