Midjourney нейрон желісі арқылы жасалған.

Қазақстанда банктер мен микроқаржы ұйымдарына екі жылдық мораторий енгізу жоспарланып отыр. Тиісті заң жобасын Мәжіліс депутаттары бірінші оқылымда мақұлдады.

Қаржы нарығын реттеу және дамыту агенттігінің (ҚНРДА) төрағасы Мәдина Әбілқасымованың айтуынша, мораторий 2026 жылдың 1 қаңтарына дейін күшінде болады.

"Біріншіден, екі жылға, яғни 2026 жылдың 1 қаңтарына дейін мораторий енгізіледі. Мораторий - проблемалық тұтынушылық несиелерді коллекторларға сатуға толық тыйым салу. Екіншіден, егер 90 күн мерзімі өткен болса, онда мұндай несие бойынша банктер мен микроқаржы ұйымдары (МҚҰ) коллекторлық агенттіктерге 24 айға қарыздар туралы мәліметтерді беруге немесе сатуға құқығы жоқ деген жаңа талап қосымша енгізілді. Яғни, бұл қосымша", - деді Мәдина Әбілқасымова Мәжіліс карауында.

Ол егер адам 2025 жылдың желтоқсанында берешегі бар болса, оған жаңа талап қойылатынын түсіндірді - 24 ай ішінде банктер немесе микроқаржы ұйымдары проблемалық борышкермен жұмыс істеуге міндетті.

Мәжілісмен Никита Шаталовтың айтуынша, 2024 жылдың 1 қаңтарындағы жағдай бойынша Қазақстандағы коллекторлық агенттіктердің портфелінде жалпы қарызы 382 миллиард теңге болатын 890 мың қарыз алушы бар.

Түзету несие берудегі тәуекелдерді азайту және қарыз алушылардың құқықтарын қорғау туралы заң жобасына енгізілді. Мәжілісмендер құжатты бірінші оқылымда қабылдады.

https://kaz.tengrinews.kz/