Ол денсаулық сақтау туралы кодексте бекітіледі.

       Мәжіліс депутаты Аманжан Жамалов Қазақстанда вейп сату мен шегуге заңмен тыйым салынатынын хабарлады.

       Депутаттар мұндай түзетуді денсаулық сақтау туралы кодекске енгізбек.

       "Қазақстанда вейп сату мен пайдалануға тыйым салатын түзетулерді енгізу туралы шешім қабылдадық. Шегетін қоспалар, сұйықтықтар, газдар – олардың бәрін тұтынуға Қазақстанда рұқсат етілмейді", – деді Аманжан Жамалов.

       Ол, сондай-ақ, шылым стиктеріне темекі акцизінің 70 пайызы мөлшерінде акциз енгізілетінін мәлім етті.