Біздің өміріміз

Бөлісу

Қазақстанда су тарифі қымбаттауы мүмкін

Қазақстанда су тарифі қымбаттауы мүмкін

       Елімізде суға қатысты тариф өзгеруі мүмкін. Бұл туралы Экология және табиғи ресурстар министрлігі cу ресурстары комитеті төрағасының міндетін атқарушы Досбол Бекмағамбетов.

       Басылым ұсынған мәліметтерге сәйкес, қазіргі таңда аталған мәселе бойынша экология министрлігі құзырлы органдарға ұсыныс әзірлеп жатқан көрінеді.

       "Бүгінде республикаға қарасты 3440 су каналы жүйелері бар. Шаруаларға су сол жүйелер арқылы жеткізіледі. Су каналы жүйелері кезінде коммуналдық меншікте болып, көбі қазіргі су тарифіне кірмеген. Яғни қазіргі тариф бойынша оларды күтіп ұстауға қаржы қарастырылмаған.

       Осы орайда биыл біз мемлекеттік құзырлы органдарға өз ұсынысымызды жолдаймыз. Келесі жылы әділетті су тарифі бекітіледі деп ойлаймыз", - деді Досбол Бекмағамбетов баспасөз мәслихатында.

       Ведомство өкілінің айтуынша, су қоймаларын күтіп ұстау бүгінгі таңда елімізде үлкен мәселе болып тұр.

       Сондай-ақ спикер су саласы мамандарының жалақысы мәселесін де көтерді.

       "Су саласы қызметкерлері - еліміздегі ең төмен жалақы алатындардың бірі. Сондықтан да проблеманы тариф арқылы шешпесек, басқа жолы жоқ. Мемлекеттен қаржы алмаймыз, қанша көлемде су жеткіземіз, соны ақысын шаруалардан жинап аламыз",- дейді ол.

       Досбол Бекмағамбетовтің сөзінше, бүгінде Қазақстандағы су саласы мамандарының орташа жалақысы 90 мың теңгеден аспайды.

       ақпарат дереккөзі

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через