2023 бірінші жартыжылдығында Қазақстанда 1,2 мың тонна қымыз өндірілді. Бұл 2022 жылдың қаңтар–маусымымен салыстырғанда бірден 55,9% артық.

Соңғы екі жылда бие сүтінен ашытылған сусын өндірісінің жалпы көлемі 2,1–2,2 мың тонна аралығында өзгерді. Бұл көрсеткішті бес жыл бұрынғы деректермен салыстыратын болсақ, айырмашылық: 70%-дан асады.

Қымыз өндірісінің жылдар бойы өсу себептерінің бірі – бие сүтін өңдеу көлемінің артуы. Қымыз өндіру динамикасын сүт өнімділігінің өсуімен салыстыратын болсақ, екінші көрсеткіште айтарлықтай серпін байқалмайды. Егер 2017 жылы шаруа қожалықтары мен жеке қожалық иелері 26,6 мың тонна бие сүті сауылғанын айтса, 2022 жылы бұл көрсеткіш небәрі 10,4% артық: 29,4 мың тонна болды.

Өңірлер арасында сүт өнімділігі бойынша Түркістан облысы алғашқы орында тұр. Бие сүтінің жалпы көлемінің төрттен бір бөлігіне жуығы (24,4%) осы оңтүстік өңірдің шаруа қожалықтары мен жеке қосалқы шаруашылықтарында алынады. Қарағанды облысында да көрсеткіш жоғары: 21,7%.

ҚазАқпарат