Астана мен Шымкентте баға үштен бір есеге жуық қымбаттады, ал елде аяқ киім өндірісі бір жылда 43%-ға өскен

Осы жылдың ақпан айының қорытындысы бойынша Қазақстанда аяқ киім бағасы бір жыл ішінде 20,5 пайызға өсті. Оның ішінде ерлер мен әйелдердің аяқ киімі 18,2%-ға, ал балалар аяқ киімі 26,5%-ға қымбаттады.

Маңғыстау облысында баға бір жылда 31,5%-ға өсті. Антирейтингке Шымкент (30,2%) пен Астана (28%) қаласы да енді. Ең аз өсім Ұлытау облысында тіркелді, өңірде аяқ киім 13,7% қымбаттаған.

Мониторинг деректеріне сәйкес, Ақтөбе облысында ерлер аяқ киімі, Маңғыстау облысында әйелдер аяқ киімі, Шымкентте балалар аяқ киімі ең көп қымбаттады.

Ұлытау облысында ерлер, Батыс Қазақстан облысында әйелдер, Қостанай облысында балалар аяқ киімінің бағасы ең аз өскен.

Сонымен қатар осы жылдың қаңтар-ақпан айларында елімізде 286,7 мың жұп аяқ киім шығарылды, бұл бір жыл бұрынғыдан 42,9 пайызға артық.

Өңірлер арасында ең көп аяқ киім Алматыда шығарылды: 153 мың жұп – 2022 жылдың қаңтар-ақпанымен салыстырғанда 50,4%-ға артық. Үздік үштікке Алматы (48,5 мың жұп) және Жамбыл (27,9 мың жұп) облыстары кірді.

Ішкі нарықта 40,3 млн жұп аяқ киім сатылды, бұл бір жыл бұрынғыдан 21,6%-ға аз.

Аяқ киім импорты бір жылда 22,9%-ға, 38,7 млн ​​жұпқа дейін азайды. Экспорт көлемі де 50,2%-ға, 105,5 мың жұпқа дейін төмендеді.

Қазақпарат