Біздің өміріміз

Бөлісу

Қазақстанда бала күтімі бойынша төлем жаңа жылдан бастап 1,5 жасқа дейін ұзартылады

  Қазақстанда бала күтімі бойынша төлем жаңа жылдан бастап 1,5 жасқа дейін ұзартылады

       Қасым-Жомарт Тоқаев парламент палаталарының бірлескен отырысында Қазақстан халқына жолдаған жолдауында бала күтіміне байланысты төлем мерзімін ұзарту 2023 жылдың 1 қаңтарынан бастап күшіне енетінін мәлімдеді. 

       "Біз бала күтімі бойынша төлемдерді 2023 жылғы 1 қаңтардан бастап бір жарым жасқа дейін ұлғайтамыз. Ата-аналар нәресте үшін ең маңызды кезеңде балаларымен ұзағырақ болады. Әлеуметтік сақтандыру жүйесіне қатысушылар үшін жұмысынан айырылу бойынша төлемдер орташа айлық табыстың 45 пайызына дейін артады. Бұл олардың қызметіне оңай әрі жылдам оралуына көмектеседі",  – деді Тоқаев.

       Сондай-ақ, президент Қазақстанда ең төменгі жалақы 60-тан 70 мың теңгеге дейін көтерілгенін атап өтті. Бұл 1,8 миллион азаматтың табысына тікелей әсер етеді деді Тоқаев.

       Айта кетсек, бұдан бұрын президент 2028 жылға дейін әйелдердің зейнет жасы 61 жас болып бекітілетінін айтқан болатын. 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через