Біз қалай өмір сүреміз?

Бөлісу

Қазақстан халқының 50 пайыздан астамы – 30 жасқа толмаған жастар

  Қазақстан халқының 50 пайыздан астамы – 30 жасқа толмаған жастар

        Қазақстандықтардың 50 пайыздан астамы жастар санатына жатады. Алдағы референдум кезінде олардың пікірі маңызды. Осы орайда ҚР Президентінің жанындағы Қазақстан стратегиялық зерттеулер институтының саяси реформаларды зерттеу бөлімінің меңгерушісі Ермек Тоқтаров жастарды айтулы шараға белсене қатысуға шақырады.

        «5 маусымда өтетін референдум еліміздің болашағына қатысты. Ал болашақ қазіргі жастардың қолында. Қазақстан халқының 51 пайызы - 30 жасқа толмаған азаматтар. Осыған орай елімізде жүргізіліп жатқан және жүзеге асатын реформаларды қабылдауда жастардың пікірі маңызды. Жалпы еліміздегі қазіргі жастардың дені саясаттан аулақтау. Сол сияқты жастар бүгінде кез келген жайт бойынша ой-пікірін ашық әрі еркін жеткізе алады. Мемлекет басшысы жастар саясатына, яғни олардың ел өміріне араласуына ерекше мән беріп отыр. Оған дәлел - Президент жастар кадр резеврі жобасының іске асуы», - деді Ермек Тоқтаров орталық коммуникациялар қызметі алаңында сарапшылардың қатысуымен өткен дөңгелек үстелде.

       Саясаттанушының пікірінше, отандық жастар референдумға қатысу туралы шешімін ой сүзгісінен өткізіп барып қабылдағаны жөн.

       «Жастар еркіндікті қалайды. Ол саясат немесе басқа салаға қатысты болуы мүмкін. Осы орайда Қазақстанға саяси өзгерістер мен трансформация қажет деген жастар референдумға қатысып, таңдау жасай алады. Сондықтан да 5 маусым күні жастар қауымын тарихи шарада күтеміз. Жастарға өтініш, референдумға жай ғана қатысу үшін емес, елімнің болашақтағы саяси дамуына үлесімді қосамын деген ниетпен келсе екен», - дейді ол.

       Бұған дейін хабарлағанымыздай сауалнама нәтижесінде қазақстандықтардың 66,4 пайызы референдумға қатысатыны белгілі болды.


        Акпарат дереккөзі

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через