Қазақстан Қырғызстанға 1 000 автобус экспорттайды

Қырғызстан келесі жылы қазақстандық өндірістен шыққан автокөліктерді сатып алады. Құжатқа Қазақстан премьері Асқар Мамин мен Қырғыз Республикасы министрлер кабинетінің төрағасы Ақылбек Жапаров қол қойды

Қазақстан 2022 жылы Қырғызстанға Yutong маркалы автобустар мен арнайы техника экспорттайды. Тиісті меморандумға екі ел министрлер кабинетінің басшылары қол қойды, деп хабарлайды Қазақстан премьер-министрінің баспасөз қызметі.

Қазақстан келесі жылы Қырғызстанға автобус пен арнайы техника экспорттайды

Құжатқа Қазақстан сауда және интеграция министрі Бақыт Сұлтанов, Қырғыз Республикасы экономика және коммерция министрі Данияр Амангелдиев, Бішкек қаласының мэрі Айбек Джунушалиев және "Аллюр" компаниялар тобы" АҚ директорлар кеңесінің төрағасы Андрей Лаврентьев қол қойды.

Меморандум 2022 жылы Қырғызстанға лизинг шартымен Қазақстанда шығарылған Yutong маркалы 1 мың бірлік электрлі, газ және дизельмен жүретін автобусты және 100 бірлік арнайы техниканы жеткізуді көздейді.

Автобустар жолаушылар көлігі қозғалысын диспетчерлендірудің электронды жүйесімен және ONAY PAY жол ақысын төлеудің автоматты жүйесімен жарақтандырылады.

Айта кетері, Қырғыз Республикасы министрлер кабинетінің төрағасы – президент әкімшілігінің басшысы Ақылбек Жапаров Қазақстанға жұмыс сапарымен келді.

 Мәтіндегі ақпарат туралы