Қарағандыдағы жылу орталығында апат болды, деп хабарлайды облыстық әкімдіктің баспасөз қызметі.

ЖЭО-3-те техникалық ақау салдарынан апат болған. Қазіргі уақытта Қарағанды қаласы электр жарығынсыз қалды.

"Сағат таңертеңгі 10:00-де электр жарығы өшіп қалды. Апат болды деп жатыр. Интернет мүлдем істемейді. Көшедегі бағдаршамдар да істемейді. Әсіресе орталық жолдарда көлік қозғалысы қиындап жатыр ", - дейді қала тұрғыны Бақытгүл Матуова.

Қарағанды ​​облысы әкімдігінің баспасөз қызметі мәлім еткендей, ЖЭО-3-те технологиялық ақау анықталып, салдарынан 220 кВ сыртқы тарату құрылғысы сөндірілген.

"Апаттың неден болғаны анықталып жатыр. Ал жарықсыз қалған абоненттер саны әлі белгісіз. Ол да анықталады", - дейді әкімдік.

ҚазАқпарат