Польшада вакцинация пункті өртенді

Польшаның Люблин воеводствосының Замосце қаласында коронавирусқа қарсы вакцинация пункті өртенді, деп хабарлайды жергілікті полиция.

Өрт жексенбіден дүйсенбіге қараған түні орын алған. Өрттен  зардап  шеккендер жоқ.  Польша Премьер-министрі Матеуш Моравецкий мұндай әрекеттер үшін қатаң  жаза  қолдануға  уәде берді. "Вакцинация-бұл төртінші толқынның алдындағы COVID-19-ға тосқауыл. Олар бүгінде баяу жүруде, ал инфрақұрылым адамдарға вакцинация бағдарламасына қызығушылық таныту үшін қажет. Бұл пандемияның төртінші толқынын тоқтату үшін өте маңызды. Біз мұндай әрекеттерге өте қатал қараймыз", - деді Моравецкий поляк теледидарының  эфирінде.

Өз кезегінде Польша полициясының бас коменданты Ярослав Шимчак бұл өртті тергеу үшін арнайы полиция тобын құру туралы хабарлады. "Мен Люблиндегі полиция комендантына осы істермен айналысатын арнайы жедел-тергеу тобын құруды бұйырдым. Бізде бейнебақылау камераларының жазбалары бар.  Осы ерекше өрескел, бандиттік шабуылды жасаған адамдарды анықтау,  ұстау мақсатында өте қарқынды әрекеттер жасаймыз", - деді  ол.