Көрмеге Қазақстан, Ресей, Түркияның 58 суретшісі қатысты.

Н.Нұрмұхаммедов атындағы облыстық көркемсурет мұражайының экскурсиялық-бұқаралық бөлімінің басшысы Татьяна Аполимова түсініктеме бергендей, «Айнаның арғы жағында» көрмесінің экспозициясы сәндік-интерьер суреттерімен ұсынылған. Тақырып әр түрлі: мистика, ғарыш, әйелдер портреттері, табиғат.

– «Айнаның арғы жағы» тақырыбы тылсым дүниемен, өзіңізге қалай басқаша қарауға болатынымен байланысты. Сондықтан көрермен түрлі тақырыпқа ой сала алады деп ойлаймын, – деп түсіндірді спикер.

Мысал ретінде экскурсовод айсбергті араб өрмесімен бейнелеген Самара суретшісінің «Сәттілік» картинасын келтірді.

– Табыс – бетінде, «су астында» – адам басынан өткеріп, жеңуге мәжбүр болған нәрсе. Ал біз, көрермендер, табыстың аз ғана бөлігін байқаймыз, – деп түсіндірді Татьяна Аполимова.

Өнертанушы Ольга Пашко қазіргі заманғы стандарттар бойынша ұсынылған жұмыстар – бұл адамдардың өмірін көркейтетін, оларды сызықтың, түс пен композицияның, айна бетінің сұлулығына батыратын шеберлердің көркемдік ізденісі екенін атап өтті.

Көрме 31 наурызға дейін жұмыс істейді.

ҚазАқпарат