Парижде 12 қабаттан жоғары, яғни шамамен 37 метрден асатын үйлерді салуға тыйым қайта енгізілді. Пирамида формасында салынып жатқан Tour Triangle мұнарасының құрылысы көпшілік наразылығын тудырды.

Иә, мұнда Эйфель мұнарасы бар, бірақ, соған қарамастан, Париж шағын қабатты нысандардан тұратын қала болып қала бермек.

Маусым айында Франция астанасында «Жергілікті урбанизация жоспары» (PLU) қабылданды. Белсенділердің айтуынша, бұл жоспар экологияның сақталуына ықпал етеді.

Париж қалалық кеңесі жаңа ғимараттарды 12 қабаттан (37 метр) асырмау туралы шектеуді қолдап, дауыс бергенннен кейін PLU күшіне енді.

Париждің іскерлік ауданы Дефанста бірнеше зәулім ғимараттар, ал 13 және 15-ші шағынаудандарда классикалық ғимараттарға қарағанда биіктеу үйлер бар. Бірақ, қала орталығындағы нысандар биік емес.

1973 жылы құрылысы аяқталған 209 метрлік Монпарнас мұнарасына қатысты халық сын білдірді. Кейін, 1977 жылы қала аудандарында 37 метрден жоғары үйлер салуға тыйым салынды. Бұл шектеу 2010 жылға дейін қолданыста болды, сол жылдан бастап қаланың бұрынғы мэрі Бертран Деланоэ Парижде 180 метрлік кеңселер және 50 метрлік тұрғын үйлер салуға рұқсат етті.

Дереккөз ҚазАқпарат. Фото dhgrouptours.com