50 жастағы британдық өзінің жасынан екі есе жас көрінеді. Ол ел ағасы жасында жас жігіттей көрінуінің құпиясын ашты.

Лондон тұрғыны Тристан Ли жасын растау үшін үнемі өзімен бірге төлқұжатын алып жүруге мәжбүр екенін айтты. Алғаш рет көрген адам ол 25 жаста немесе жасөспірім екен деп қателеседі.

Салауатты өмір салты бойынша жаттықтырушы болып жұмыс істейтін Ли 16 жасында тері күтімі бойынша кремдер мен лосьондарды үнемі қолдана бастағанын айтты. Өйткені  сепкілдерінен арылғысы келген. Содан бері сыртқы келбетке күтім жасау ол үшін күнделікті рәсімге айналды. Ол, сонымен қатар косметологқа үнемі барып тұрады. 35 жыл ішінде процедураларды бес рет өткізіп жібергенін айтады.

Дегенмен, Ли өзінің жас көріну себебі, ең алдымен, салауатты өмір салтына негізделгеннен деп санайды. Ол таза ауада күнделікті жарты сағаттық серуендейді және аптасына үш рет спортзалдағы жеке жаттықтырушымен айналысады. Сонымен қатар ол вегетариандық диетаны ұстанады және кез келген зиянды тағамды аузына татып алмайды. 

"Ең бастысы, жақсы ұйқы, тамақтану, жаттығу, тері күтімі және стресстің болмауы", — дейді Ли.