"Өзбекстан" сауда үйі ашылады»

3000-нан астам өзбек өндірушісі жобаға қызығушылық танытты. Шілденің екінші жартысында Қазақстанда "Өзбекстан" сауда үйі ашылады. Сауда алаңында көрші елдің тікелей өндірушілері топтасады. Бұл туралы пандемия жағдайында екі ел арасындағы экономикалық ынтымақтастықты дамытуға арналған брифинг барысында Өзбекстанның Алматыдағы Бас консулы Аброр Фатхуллаев мәлімдеді.

 Бұл  жобаны Өзбекстан экспорттаушылар қауымдастығы, Өзбекстан бизнесін дамыту ұйымы және "Береке Азия Групп"АҚ жүзеге асырып жатыр.

Жаңа сауда үйі В2В секторындағы сатып алушыларға көптеген делдалдарсыз өндірушімен тікелей ынтымақтасуға мүмкіндік берілмек. Қазіргі уақытта осындай үйлер Ауғанстан, АҚШ және Украинада жұмыс істеп тұр. Қазақстаннан басқа Тәжікстан, Венгрия, Германия, Испания және Түркияда осындай сауда  алаңдар ашу жоспарлануда.

Аброр Фатхуллаевтың айтуынша, Қазақстанда "Өзбекстан" сауда үйінің ашылуы екі ел арасындағы экономикалық ынтымақтастықты дамытудағы және екіжақты сауда көлемін арттырудағы маңызды практикалық қадам болмақ. Сонымен қатар, ол Өзбекстан Қазақстанның Орталық Азия өңіріндегі негізгі сауда серіктесі болып қала беретінін атап өтті. Бүгінгі таңда Өзбекстанның үлесі Қазақстанның Орталық Азия елдерімен сыртқы саудасының 65% - ға жуығын құрайды.

"Өкінішке орай, коронавирустық пандемия экономиканың барлық салаларына, соның ішінде екіжақты саудаға теріс әсер етті. 2020 жылдың қорытындысы бойынша екіжақты тауар айналымы 3 млрд доллардан сәл асып, 2019 жылдың көрсеткіштерімен салыстырғанда 9,5% - ға төмендеген екен. Ағымдағы жылы жағдай жақсы бағытқа өзгере бастаған.  Мәселен, 2021 жылдың қаңтар-сәуір айларында екіжақты тауар айналымы 1,2 млрд долларға жетті, бұл өткен жылдың ұқсас көрсеткішінен 41,3% - ға және 2019 жылдың алғашқы төрт айында 33,3% - ға жоғары.

"Біздің елдеріміз жақын арада өзара сауда-саттық көлемін 5 млрд долларға дейін жеткізу және жақын арада біздің мемлекеттеріміздің басшыларының нұсқауларына сәйкес 10 миллиардтық межеге шығу үшін барлық мүмкіндіктерге ие", - деп  мәлімдеді  консул Аброр Фатхуллаев.

Осыған байланысты ол ашылатын сауда үйі бірінші кезеңде экспорттық-импорттық операцияларды жүзеге асыруға шоғырланатынын, ал келесі кезеңде үшінші елдердің нарықтарында өткізу үшін қосылған құны жоғары өнім өндіру мақсатында өнеркәсіптік кооперацияны да дамытатынын атап өтті.

«Өзбекстан" сауда үйі Алматының Түрксіб ауданында орналасатын болады (ауданы 300 шаршы метр). Қазіргі таңда өзбек тарапынан сауда орнын 3,5 мыңға жуық кәсіпкер қатысуға қызығушылық танытып отыр. Қазақстан тарапынан-әзірше 500-600 кәсіпкер ғана.

Ақпарат көзі: Капитал кз