«Қазақстан инжиниринг» ұлттық компаниясы» АҚ жаңартылған үлгідегі «Шағала-М» ұшқышсыз ұшу аппаратының сынақ жұмыстарын сәтті аяқтады, деп хабарлайды ҚР ИИДМ баспасөз қызметі.

Отандық дронның тактикалық және техникалық сипаттамалары жақсартылып, жылдамдығы, әуеге көтерілуі және ұшу ауқымы кеңейді.

Елімізде құрастырылған ҰҰА әмбебаптығымен ерекше. Мәселен, оны мұнай-газ, энергетика секторлары және азаматтық қорғаныста, оның ішінде іздеу-құтқару жұмыстарында қолдануға болады. Бұған қоса қазақстандық өнімнің төтенше жағдай кезінде тікұшақты алмастырып, мұнай және газ құбырларына, сондай-ақ электр желілеріне бақылау жүргізуде пайдасы көп. «Қазақстан инжиниринг» ұлттық компаниясы» АҚ-ның басқарма төрағасы Теміржан Әбдірахманов

«Шағала-М» аппаратының артықшылығы оған ұшып-қону жолағы қажеті жоқ.

Бағасы шетелдік аналогтармен салыстырғанда арзан. Аталған өнімді сату мәселесіне келсек, СТ–KZ және индустриялық сертификаттары мен патенті бар», - деді «Қазақстан инжиниринг» R&D орталығының бас директоры Ғани Байсейітов.

Бұл орайда биыл ҚР Индустрия және инфрақұрылымдық даму министрлігі Қазақстанның әуе кеңістігінде Ұшқышсыз ұшу аппараттарын пайдалану жөніндегі ережені әзірлеп, соған сәйкес әуе кеңістігін пайдалану тәртібінен бөлек ұшу аппараттарын есепке алу, санаттарға бөлу мен дрондарға рұқсат құжаттарын беру жолдары қарастырылған.

Фото avesta-news.kz.