ChatGPT құрушысының мәліметінше, жасанды интеллекттің жаңа генеративті құралы мәтіндік командалар негізінде жоғары сапалы бейнелер жасай алады, деп хабарлайды Еuronews. ChatGPT чат-ботын әзірлеген компания мәтінді қысқа бейнелерге лезде түрлендіретін нейрожеліні енгізу арқылы генеративті жасанды интеллект (AI) саласында жаңа қадам жасады.

Sora деп аталған бұл құрал осындай алғашқы құрал емес. Ұқсас технологияны көрсеткен басқа компанияларға Google, Meta және Runway ML стартапы кіреді. 

Бірақ бас директор Сэм Альтман әлеуметтік желі қолданушыларынан жазбаша кеңес беріп, өз идеяларын ұсынуды сұрағаннан кейін OpenAI бейнесінің жоғары сапасы бақылаушыларды таң қалдырды, сонымен бірге этикалық және әлеуметтік салдарларға қатысты алаңдаушылық туғызды.

Фото pexels.com.

Бұрынғы Twitter, қазіргі X сайтында Нью-Гэмпширдегі (АҚШ) штаттан тыс фотограф «Әлеуметтік желіде танымал әжейдің кинематографиялық жарықтандырылған тоскандық асүйде ньокки әзірлеу бойынша үйрететін аспаздық сеансын» ұсынды.

Біраз уақыттан кейін Альтман кеңесте сипатталған нәрсеге шынайы бейнемен жауап берді.

Құрал әлі көпшілікке қолжетімді емес және OpenAI оның қалай жасалғаны туралы шектеулі ақпарат қана беріп отыр.

Компания Associated Press агенттігіне мәтіндік жаңалықтар мұрағатын лицензиялау үшін ақы төлейді. Блог жазбасында OpenAI жаңа құралды халыққа қолжетімді етпес бұрын суретшілер, саясаткерлер және басқа да сала мамандарымен араласатынын айтты.

Дереккөз kaz.inform.kz.