Инфрақұрылым және күнделікті өмір

Өндеу өнеркәсібін дамытуға не кедергі?

  Өндеу өнеркәсібін дамытуға не кедергі?

       Сенат спикері Мәулен Әшімбаев өңдеу өнеркәсібінің дамуын тежеп отырған бірқатар проблеманы атады. Ол бұл туралы Палата жанындағы Жас сарапшылар клубының кезекті отырысында айтты.

       Аталған жиынға «Бәйтерек» ұлттық басқарушы холдингінің басқарма төрағасы Қанат Шарлапаев арнайы шақырылды.

       Отырысты ашқан Мәулен Әшімбаев ел Президентінің Холдингтің кейбір еншілес ұйымдарын реформалау жөніндегі тапсырмаларына назар аударды.

       Сенат Төрағасы қазіргі таңда Холдинг экономиканың шикізаттық емес секторларын әртараптандыру және дамыту, кәсіпкерлікті және өңдеу өнеркәсібі өнімдерінің экспортын қолдау, агроөнеркәсіптік кешенді өркендету және халықты тұрғын үймен қамтамасыз ету сияқты экономикалық саясаттың бағыттары бойынша белсенді жұмыс істеп келе жатқанын атап өтті.

       «Өңдеу өнеркәсібінің дамуын тежеп отырған бірқатар проблема бар. Олар – қолжетімді банктік несиелеудің болмауы, жеке инвесторлар үшін жоғары валюталық тәуекелдер және өндірістік қуаттың әбден тозуы. Сондай-ақ білікті кадрлар да тапшы. Ішкі нарықты қорғау үшін техникалық және тарифтік емес реттеу аясында жүйелі жұмыс жоқ. Қолжетімді қаржының жеткіліксіздігі индустрияландыруды іске асыруға және бизнесті дамытуға негізгі кедергі болып қалып отыр. «Бәйтерек» холдингінің құрамындағы даму институттары осы міндеттерді шешуі қажет», – деді Мәулен Әшімбаев.

       Отырыс барысында Клуб мүшелері де сөз алып, Холдинг құрамындағы институттардың қызметін жетілдіру бойынша өз ойларымен және бастамаларымен бөлісті. Нақты айтқанда, сарапшылар «Бәйтерек» холдингінің корпоративті орталығының рөліне, Қазақстандағы өңдеу өнеркәсібін мемлекеттік қолдауға, тұрғын үй саясатына, шағын және орта бизнесті мемлекеттік қолдау шараларының тиімділігі мен қолжетімділігіне және тағы басқа мәселелерге тоқталды.

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру