Алматы қалалық Мемлекеттік кірістер департаментінің мәліметінше, 1082 көлік иесінің көлік салығы бойынша жалпы сомасы 2,2 млрд теңге берешегі бар.

 «Салық берешегі жоқ қала» акциясы аясында жеке сот орындаушыларының өңірлік палатасымен бірлесе отырып, департамент қозғалтқыш көлемі үлкен автокөліктері бар және көлік құралдары салығы бойынша үлкен көлемде берешегі бар азаматтармен жұмыс жүргізіп жатыр.

Мәселен, 17 маусымнан бастап мұндай борышкерлердің көліктері қамауға алынады.

Бұл ретте материалдар жүргізуші куәлігінен уақытша айыру үшін әділет органдарына жолданады.

Осылайша, жеке тұлға «К»-ның Toyota Land Cruizer маркалы көлігі үшін жалпы сомасы 2,1 млн теңге қарызы бар. Алматы қаласы Медеу аудандық сотының 2022 жылғы 17 маусымдағы ұйғарымымен борышкер «К»-ға көлік құралын басқару үшін бұрын берілген жүргізуші куәлігі қарызы толық өтелгенге дейін уақытша тоқтатылды. Осындай жұмыс барлық борышкерлерге де жүргізілуде. Алматының мемлекеттік кірістер департаменті

Салықтарды төлемеуге байланысты осындай жағдайларды болдырмау үшін Қалалық Мемлекеттік кірістер департаменті көлік иелеріне салық қарызын тезірек жабуды ұсынады.

Фото: m.azh.kz