Адам үшін деннің саулығынан артық ештеңе жоқ. «Қай жерің ауырса, жаның сол жерде» деген. Жаны қиналғанда көпшілік ақылы қызметке жиі жүгінетін көрінеді. Тіпті соңғы жылдары ел тұрғындары сырқатына ем іздеймін деп жүздеген млрд теңгесін шығындапты. Қазақстандықтардың денсаулығын түзетуге жұмсаған қаржы көлемі Дүниежүзілік денсаулық сақтау ұйымы белгілеген нормадан екі есе жоғары екені анықталды.

Сақтандырылған азаматтың тегін ем алуына болады. Бірақ жағдайы жақсы, қалталы азаматтар тегін емханадан көрі ақылы медициналық клиникаға жүгінгенді жөн көреді екен. Неліктен? 

Егер мүмкіндік болса отандастарымыз медициналық қызметтің қай түрін таңдайды? Бұл сұрақты алматылықтарға қойған едік.