Ишемиялық инсультпен жүрек ырғағының бұзылуы және қан қысымының төмендеуі өлімге әкеледі. Ұйқы кезінде бұзылған жүрек ырғағы да өкпе эмболиясын тудыруы мүмкін. Бұл дегеніміз  қан ұйып өкпе тамырын бітеп тастайды.  Дәрігер түсіндіргендей, бұл әдетте тамырлардың атеросклерозы немесе варикозды веналарда қан ұйығыштары бар адамдарда кездеседі.

       Кардиолог  Валентина Байдина ұйқыдағы өлімнің жалпы себептері - инфаркт пен жүректің тоқтауы екенін айтады. Олар жүрек соғу жиілігінің күрт төмендеуі кезінде пайда болады.

       Терапевт-кардиолог Светлана Мартынованың айтуынша, инсульттің қауіпті кезі таңғы сағат 4-тен 6-ға дейін, ал инфаркттың шыңы 6-мен 9-дың арасы.

       Гипертония оянғаннан кейін бірден қауіпті. Ауру көбінесе таңғы сағат 6-дан 10-ға дейін тіркеледі.

       Кімдерге қауіпті?

       Кардиологтың айтуынша, көбінесе жүрек және қан тамырлары ауруларымен ауыратын адамдар ұйқыда өледі.

Оған себеп:

созылмалы жоғары немесе төмен қан қысымы,

импульстік үзілістер,

аритмия - жүрек соғу жиілігінің бұзылуы.

       "Ұйқы кезінде денеміз босаңсиды, бірақ жүрек пен қан тамырлары белсенді жұмысын жалғастырады. Сонымен қатар, ұйқының өзі гетерогенді және ауыспалы фазалардан тұрады. Бір фазадан екіншісіне өту жүрек-тамыр жүйесіне айтарлықтай ауыр салмақ береді. Егер адамның жүрегінде проблемалар болса, мұндай кез инфарктқа немесе инсультке әкелуі мүмкін. Салдарынан адам қайтыс болады", - деп түсіндіреді Валентина Байдина.

       Алайда өлім қаупі тек науқастарға ғана емес, тексерілмегендерге де қауіп төндіреді. Сонымен, адам гипертонияның жасырын түрінен немесе жүрек ырғағының бұзылуынан зардап шегуі мүмкін. Валентина Байдинаның айтуынша, кейбір адамдар  аневризмамен - ми тамырларының кеңеюінен зардап шегіп, тіпті оны білмей де жылдар бойы жүруі мүмкін.

       "Егер жас туралы айтатын болсақ, онда егде жастағы адамдар ұйқыда өліп кету қаупі жоғары.  Ерлерде жүрек-қан тамырлары ауруларынан қайтыс болу ықтималдығы 40-45 жастан кейін артады, әйелдерде - 60 жастан кейін", - дейді кардиолог.

       Оны анықтау мүмкін бе?

       Теориялық тұрғыдан иә, бірақ жақындары сергек болса және бірдеңе дұрыс емес екенін уақытында байқаса ғана анықтай алады. Мысалы, олар адамның көгергенін немесе қолдары мен аяқтарының салқындағанын байқайды.

       "Бұл жағдайда жедел жәрдем шақыруға, реанимациялық шараларды жүргізуге және адамды тез арада ауруханаға жеткізуге мүмкіндік бар", - деп түсіндіреді Валентина Байдина.

       Бұл ретте  кез келген жүрек-қан тамырлары ауруын бақылауға алып, асқынулардың дамуын бәсеңдетуге болады деп кеңес береді дәрігер.

       Мұны істеу үшін қан қысымы мен импульсті бақылау, сондай-ақ терапевт пен кардиологқа мерзімді түрде бару жеткілікті - әсіресе 40 жастан кейін.

       Айта кетейік, бұған дейін кардиолог ұйықтап жатқанда өлімге әкелетін ауру түрлерін атаған болатын.

       Ақпарат дереккөзі: https://massaget.kz/