Канаданың оңтүстік-шығысында орналасқан Галифакс қаласында 200 жылдық тарихы бар ғимарат 700 сабынмен көшірілді. Бұл туралы The Washington Post басылымы жазды.

Желтоқсан айының басында Канададағы Раштонның бригадасына жаңа тұрғын үй кешеніне жол ашу үшін салмағы 199,5 тонна болатын тарихи ғимаратты артқа жылжыту тапсырылды. Құрылысшылар туннель жасап, 12-ден астам қазба жұмыстарын жүргізіп, екі экскаватор мен эвакуатордың көмегімен үйді жылжытуға тырысты. Алайда, ешқандай нәтиже болмады.

Содан кейін, Раштон тегіс сырғуды қамтамасыз ететін Procter & Gamble компаниясының кәдімгі Ivory сабынын қолдануға шешім қабылдады. Құрылысшылар гидравликалық домкраттардың көмегімен ғимаратты 2,5 сантиметрге дейін көтеріп, жүк көтергіш құрылымдардың арасына 700 сабын салды. Түнде сабын салмағымен жаншып, бөренелер тайғақ болды. Нәтижесінде үй 9,1 метрге дейін сәтті жылжытылды.

Үш қабатты ғимарат 1826 жылы салынып, көп ұзамай Эльмвуд деп аталатын қонақүйге айналды. Сондай-ақ, бірнеше онжылдықтар бұрын ол көпқабатты үйге айналған.

ҚазАқпарат