Венецияда карнавалдар маусымы ашылды. Мереке пандемиядан кейін алғаш рет бұрынғы сипатта өтіп жатыр.

Мереке бағдарламасында – қайықтар шеруі, сәнді сарайлардағы балдар, Арсенал верфьтері және Сан-Марко алаңындағы музыкалық қойылымдар бар.

Ұйымдастырушылар венециялықтар мен туристерді костюм таңдауға шығармашылықпен қарауға шақырды.

Биылғы тақырып – астрологияның жеке тұлғаға әсері және жұлдызнама белгілерін «экстравагантты» көрсету.

Қаладағы іс-шаралардың көпшілігі тегін, палаццодағы кештер билетпен өтеді.
Венецияда және басқа да лагуна қалаларында мерекелер 21 ақпанға дейін жалғасады.
Апенниндегі тағы бір ірі карнавал Тоскана аймағындағы – Виареджода басталды. Жергілікті деңгейдегі бұл карнавал венециялық карнавалға қарағанда жасырақ – биыл оған 150 жыл болады. Мұнда халықтық мерекелерді саяси сатирасыз және өзекті мәселелерді мазақ етпестен елестету мүмкін емес.

Лигурия теңізінің жағалауындағы карнавалдың басты белгілерінің бірі – атақты адамдардың папье-машеден жасалған алып фигураларының шеруі.

Фото: interfax.ru,