Мүлік салығы пәтер иесінің жұбайына есептелсе не істеу керек? Бұл сауалға Мемлекеттік кірістер комитеті жауап берді. 

Ерлi-зайыптылар некеде тұрған кезінде жинаған мүлiк — олардың бiрлескен ортақ меншiгi (Неке және отбасы туралы кодекстің 33-бабы).

Ортақ бірлескен меншікте өзара келісім бойынша мүлік иелерінің бірі салық төлеуші ​​болып табылады.

«Егер салық сомасы барлық меншік иелеріне келсе, онда меншік иелерінің біреуі ғана төлем жасайды. Ортақ үлестік меншікте осы мүліктегі үлесіне сәйкес мүліктің барлық меншік иелері — салық төлеушілер. Мемлекеттік кірістер органдары уәкілетті орган (Азаматтарға арналған үкімет) жіберген мәліметтердің негізінде ерлі-зайыптылардың біріне мүлік салығын есептейді» дейді комитеттен. 

1 қазанда 2022 жыл үшін жылжымайтын мүлік және жер учаскелерінің меншік иелерінің мүлік салығын төлеу мерзімі аяқталады.

Алайда 1 қазан демалыс күні екенін ескерсек, төлем мерзімі — 2 қазан. 

«Қате төлем болмас үшін көрсетілген деректемелерді пайдалана отырып, төлемді бір уақытта төлеу мүмкіндігімен нақты есептелген салық сомасын kgd.gov.kz сайтында „Алдағы төлемдер“ сервисінде және E-salyq Azamat мобильді қосымшасынан, сондай-ақ банктердің „Kaspi.kz“ және „Halyk Bank“ мобильді қосымшаларында көруге болады» дейді МКК. 

Дереккөз ҚазАқпарат.