Темір жол бойындағы кез келген кемшілікті фото және бейнежазбаға түсіруге болады, деп хабарлады Бас көлік прокуратурасы.

Бұған дейін темір жол бойындағы заңбұзушылық туралы қандай да бір фото және бейнежазба түсіруге рұқсат жоқ еді.

"Көлік прокуратурасы "Қазақстан темір жолы" ҰК" АҚ басшылығының темір жол көлігіндегі қауіпсіздікті бұзудың кез келген жағдайларын фото- және бейнетіркеуге тыйым салу туралы телеграф нұсқауының күшін жойды", - делінген хабарламада.

Прокуратураның айтуынша, мұндай шектеу ең алдымен теміржол тораптарындағы апаттарды тергеу кезінде дәлелдер базасын жинауды қиындатқан. Сонымен қатар әртүрлі оқиғалар жасырын қалып, осы саладағы қауіпсіздіктің нашарлауына әкеп соғуы ықтимал.

"Бұл тапсырма Қазақстан Республикасы Конституциясының 20-бабының 2-тармағына қайшы келеді. Сол себепті әркімнің заң жүзінде тыйым салынбаған кез келген тәсілмен еркін ақпарат алуға және таратуға құқығы бар", - дейді ведомство.

Бүгінгі таңда прокуратураның наразылығы толық көлемде қанағаттандырылып, тиісті нұсқау заңсыз деп танылды.

Қазақпарат