Жол және көлік

Бөлісу

Елордада әуежайға дейін түнгі автобустар қатынайды

  Елордада әуежайға дейін түнгі автобустар қатынайды

Елордада әуежайға дейін түнгі автобустар қатынайды

Нұр-Сұлтан қаласында бір айға жуық уақыт түнгі автобустар жүреді. Қоғамдық көлік әуежайға дейін қатынайды.

"15 шілдеден 8 тамызға дейін Нұр-Сұлтан қаласында қоғамдық көліктің түнгі рейстері әуежайға дейін қатынайды. Мұндай шешім елордалық әуе айлағының түнгі жұмыс режиміне уақытша көшуіне байланысты қабылданды", - деп хабарлады City Transportation Systems.

Жолаушылар №10 бағдардағы автобустармен жүреді.

Әуежайдан №10 бағдарының түнгі рейстерінің шығу уақыты:

23:18,

00:29,

01:59,

02:59.

Бағдардың күндізгі қозғалыс кестесі өзгеріссіз қалады.

Еске салсақ, 15 шілде мен 8 тамыз аралығында елордалық әуежайда жөндеу жұмыстары жүргізіледі. Күндізгі 11.00-ден кешкі 18.00-ге дейін әуежайдың ұшу-қону жолағы жөнделеді. Оған 280 млн теңге жұмсалады.

Нұр-Сұлтаннан ұшып шығатын және елордаға келетін 75 рейстің 20-сы өз кестесін ауыстырады. Қазақстандық әуе компанияларынан бөлек өз кестесін "Өзбек әуе желілері" компаниясы да өзгертеді. Ағымдағы жөндеу жұмыстары кезінде әуе билетін қайтарған жолаушыларға айыппұл салынбайды.

Мәтіндегі ақпарат туралы

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через