Мемлекет

Бөлісу

Елімізде тұрмыстық химия мен гигиена тауарлары тапшы

Елімізде тұрмыстық химия мен гигиена тауарлары тапшы

Елімізде тұрмыстық химия мен гигиена тауарларымен тапшылық сезіле бастады. Себебі, елге осы өнімдердің 70 пайызы Ресей мен Украинадан тасымалданады. Ал геосаяси ахуалға байланысты Ресейдегі зауыттар мен дистрибьюторлық компаниялар жабылған.

Шикізаттың жоқтығынан талай кәсіпорын да жұмысын тоқтатты. Қазақстандағы ірі сауда орындары ішкі нарықты қамтамасыз ету үшін басқа елдің тауарларына көштік деп отыр.

Қазақстанға көптеген зат, оның ішінде тұрмыстық техника Ресейден тасымалданады. Санкция салынғанда брендтер бұл елден кете бастады. Біз Ресейден келмей қалған тауарларды басқа елдің өнімімен алмастырдық. Ең басты мақсатымыз – тұтынушыларға өнім ұсыну. Тапшылық болғанын жасырмаймын. Артём Крылов, супермаркет желісінің PR-менеджері

Қазір елдегі тұрмыстық заттар сататын дүкен сөрелері босап қалған. Кәсіпкерлер ақпан айынан бері сабын, кір жуатын ұнтақ, ыдыс-аяқ жуатын сұйықтық, шашқа арналға бояу сынды Ресейден әкелінетін гигиена өнімдері жоқ екенін жеткізді. Балаларға арналған тағамдар, әйелдердің гигиеналық заттары мен косметикасы да едәуір азайыпты.

Табыстан қағылмас үшін бизнесмендер отандық және Беларусь, Өзбекстан, Түркия сынды мемлекеттердің өнімдеріне тапсырыс беріп амалдауға көшкен. Соған қарамастан ішкі нарықта Украина мен Ресейден әкелінетін тауарлардың үлесі басым екен. Олардың орнын толық толтыруға уақыт керек. Сондықтан дүкен сөрелерінде бұрынғыдай таңдау жоқ. Ал баға тағы қымбаттаған. Отандық өнім ішкі нарықты қамтамасыз етуге қауқарсыз.

Қазір ресейлік тауарлардың көп түрі жоқ. Сауда өкілдерінің айтуынша, оларда шикізат жоқ. Ресейден бөлек, Еуропадан, Ресей арқылы келетін тауарлардың көбісі жоқ. Бірқатар бренд тауар жоғалып кетті. Танымал кремдер де жоқ. Ары қарай сауданы жалғастыру үшін Түркиядан жеткізіліп жатыр. Өзбекстаннан да көп сабын шығарылып жатыр. Кіржуғыш ұнтақтың көп түрі жоқ.  Марат Қазыбаев, сатушы.

Дереккөз ктк.кз. Фото: massaget.kztop-news.kz

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через