Деректі фильм "Тектілік тұғырынан таймаған Құдайберген Айтбаев" деп аталады.

Шежірелі қарттың өмір тарихын, өнегелі әулеті мен ұрпақтарының өмірдегі және өнердегі жетістіктері туралы фильм "Хабар"арнасынан көрсетілді.

Димаш Құдайберген атасымен - Sputnik Қазақстан, 1920, 24.07.2023

Димаш Құдайберген атасымен

© Димаш Құдайбергеннің әлеуметтік желідегі парақшасынан

"Ұрпағын ұлттың баласы етіп тәрбиелеген абыз ақсақалдың шаңырағы "Мерейлі отбасы"атанғанын жақсы білесіздер. Текті әулеттен шығып, өнер әлемінде қанатын кең сермеген Димаш Құдайберген – атасы мен апасының ерекше қамқорлығын көріп, өнегесіне сусындаған өрен. Қоғамға отбасылық құндылықтарды насихаттап, дәріптеуде Құдайберген ақсақалдың әулетін үлгі ретінде ұсынған дұрыс", - деді "Хабар" агенттігінің басшысы Берік Уәли деректі фильм жайлы айтқан пікірінде.

Құдайберген Айтбаев биыл 82 жасқа қараған шағында дүние салды. Осыдан бес жыл бұрын Димаштың ата-әжесі шаңырақ көтергендеріне елу жыл толуына орай "Алтын тойларын"өткізген. Ал 2019 жылы ақсақал мемлекеттік және қоғамдық қызметтерде еңбек сіңірген, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан зор үлесі жоғары бағаланып, "Ерен еңбегі үшін" медалімен марапатталған болатын.

Қазақпарат