Баспана кезегі: құжаттарын жаңартуға тиіс тұрғындардың тізімі жарияланды

Астана әкімдігіне қарасты тұрғын үй қорының сайтында құжаттарды жаңартуы қажет азаматтардың тізімі жарияланды.

Жарияланған тізімде кезекте тұрған адамның деректері, кезекке қойылған санаты мен күні көрсетілген. Құжаттар 2022 жылдың 14 желтоқсанына дейін жаңартылуы керек. Бұл туралы елорда әкімдігінің ресми сайты хабарлады.

Тізімде көрсетілген барлық азамат Республика даңғылы, 32 (307 кабинет) мекенжайында орналасқан тұрғын үй орталығына мынадай құжаттар тізбесімен жүгінуі қажет:

жеке куәлік (барлық отбасы мүшелеріне);

балалардың туу туралы куәлігі;

баланың мүгедектігі туралы анықтама;

неке қию /некені бұзу / жұбайының қайтыс болуы туралы куәлік / ф-4 анықтамасы / әке болуды анықтау (олардың біреуі бар);

барлық отбасы мүшесіне Қазақстан бойынша жылжымайтын мүліктің жоқтығы туралы анықтама.

Құжаттарды жаңарту тек тізімде көрсетілген азаматтарға қажет, қалған тұрғындарға әзірге талап етілмейді.

https://sputnik.kz