Заңнама

Бөлісу

Бағаны көтергеніне байланысты «Яндекс.Такси» тексеріліп жатыр

Бағаны көтергеніне байланысты «Яндекс.Такси» тексеріліп жатыр

      Биыл "Яндекс.Таксиге" қатысты, оның ішінде қызметтің қымбаттығына қатысты алты өтініш түскен.

ҚР Бәсекелестікті қорғау және дамыту агенттігінің Алматы қаласы бойынша департаменті "Яндекс.Такси" көлік компаниясын тексеруге қатысты Zakon.kz-тің сауалына жауап берді.

2022 жылдың 18 қаңтарында департамент экономикалық қызметті үйлестіру белгілері бойынша "Яндекс Такси.Корп" ЖШС-не қатысты бәсекелестікті қорғау саласындағы бұзушылықтарды тексеруді бастады. Бұл әрекетке ҚР Кәсіпкерлік кодексі 169-бабы, 5-тармағында тыйым салынады.

Нарық субъектілерінің бағаларды (тарифтерді), жеңілдіктерді, үстемеақыларды (қосымша төлемдерді) және (немесе) үстемеақыларды белгілеуге немесе ұстап тұруға әкеп соғатын шаруашылық қызметін үйлестіруге тыйым салынады.

2022 жылдың 25 шілдесінде Кодекстің 222-бабы, 1-2-бөліміне сәйкес тергеу тоқтатылды. Тергеу Кодекстің 174-бабы бойынша тыйым салынған монополиялық жоғары баға белгілері бойынша тергеп-тексерудің басталуына байланысты тоқтатылды.

Кодекстің 175-бабы, 1-тармағына сәйкес, тауардың монополиялық жоғары бағасы – үстем немесе монополиялық жағдайды иеленетін нарық субъектісі белгілейтін баға.

Тергеу нәтижесі кейінірек белгілі болады.

Биыл жыл басынан бері департаментке "Яндекс.Таксиге" қатысты, оның ішінде қызметтің қымбаттығына қатысты алты өтініш түскен.

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через