Заңнама

Асыраушысынан айырылғандарға берілетін орташа жәрдемақы қанша?

  Асыраушысынан айырылғандарға берілетін орташа жәрдемақы қанша?

       Қазақстандықтарға мүгедектік және асыраушысынан айырылу бойынша 139,8 млрд теңге жәрдемақы төленді.

       Оның ішінде биыл сәуір айында республикалық бюджеттен мүгедектік бойынша мемлекеттік әлеуметтік жәрдемақы төлеуге 27,5 млрд теңге, асыраушысынан айырылуына байланысты жәрдемақы төлеуге 7,7 млрд теңге жұмсалды.                   

       2022 жылғы 1 мамырдағы жағдай бойынша, мүгедектік бойынша мемлекеттік әлеуметтік жәрдемақы алушылардың саны 525,8 мың, асыраушысынан айырылу жағдайы бойынша 175,9 мыңға жетті.

       «Мүгедектік және асыраушысынан айырылу жағдайы бойынша мемлекеттік әлеуметтік жәрдемақылардың мөлшері мүгедектік тобына және себебіне, қайтыс болған (қаза тапқан) асыраушының асырауындағы адам санына, сондай-ақ тиісті қаржы жылына арналған «Республикалық бюджет туралы» заңда белгіленетін ең төменгі күнкөріс деңгейіне байланысты болады», – делінген хабарламада.

       1 мамырдағы жағдай бойынша, мүгедектік жөніндегі мемлекеттік әлеуметтік жәрдемақының орташа мөлшері – 52 347 теңге, асыраушыдан айырылу жағдайы бойынша төленетін жәрдемақы – 43 574 теңге.

 

 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру