Астанадан ұшып шыққан ұшақ Мәскеуге шұғыл қонуға мәжбүр болды

Астанадан ұшып келген Boeing 737-300 "Шереметьево" әуежайына шұғыл қонды. Оған гидрожүйедегі техникалық ақау себеп болған, деп хабарлады РИА Новости-ге шұғыл қызметтегілер.

Зардап шеккендер жоқ.

Алдын ала мәлімет бойынша, бұл SCAT Airlines әуе компаниясының борты.

"Астана – Мәскеу бағытындағы Boeing 737-300 сол жақ гидрожүйесі істен шығып, датчик іске қосылғаннан кейін "Шереметьево" әуежайына шұғыл қонды", - деп мәлімдеді шұғыл қызметтегілер.

Әуе кемесі әуежайға штатты режимде қонды, деп атап өтті SCAT баспасөз қызметі.