Инфрақұрылым және күнделікті өмір

Алматының таулы аудандарында құрылысқа тыйым салынбақ

  Алматының таулы аудандарында құрылысқа тыйым салынбақ

Қаланың таулы аудандарында құрылысқа тыйым салу мәселесін Алматының мамандандырылған табиғат қорғау прокуратурасы көтерді. Орган таулы аймақта құрылыс пен алма бақтарды кесу жағдайларының жиілеп кетуіне байланысты талдау жүргізген.

Ведомство өкілдерінің айтуынша, бұрын жер пайдаланушыларға меншік құқығы беріліп, құрылысқа тыйым салу үшін заңнамалық негіздер болмаған.

«Осы мәселені талдау қорытындылары бойынша біз қала әкімдігіне таулы жердегі жер учаскелерін рекреациялық аймаққа жатқызу мәселесін қарауды ұсынып, қадағалау актісін енгіздік. Бұл заң бойынша көрсетілген аймақта жаңа объектілердің құрылысына тыйым салуға мүмкіндік береді. Аталған ұсыныстар қолдау тапты. Енді әкімдік егжей-тегжейлі жоспарлау және қала құрылысының Бас жоспарына тиісті өзгерістер енгізеді. Олар осы жылдың маусымында бекітілуі керек. Сондай-ақ, осы талдау барысында Обсерватория көшесінде тұрғын үй құрылысы кезінде алма бақтарын заңсыз кесу дерегі анықталды. Медеу аудандық полиция басқармасы аталған дерек бойынша сотқа дейінгі тергеуді бастады», - деп хабарлады табиғат қорғау прокуратурасынан.

Фото: qazaquni.kz

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Достарыңызбен бөлісіңіз

Пікір қалдыру