Алматы әкімдігінің Мәдениет басқармасы Наурыз мейрамында қаланы безендірудің ең үздік дизайнына конкурс жариялады,.

Әкімдік мәліметінше, байқауға қатысу үшін қаланы билбордтармен безендірудің ерекше концепциясын жасап, оны альбом түрінде ұсыну қажет.

«Өтінімдерді қабылдау 31 қаңтардан басталып, 20 ақпанға дейін жалғасады. Үздік жұмысты 21 ақпанда Дизайнерлер одағының, Суретшілер одағының, Алматы қаласы Жоспарлау және урбанистика басқармасының, сондай-ақ Алматы қаласы Мәдениет басқармасының өкілдері кіретін жұмыс комиссиясының мүшелері таңдайды. Ең үздік дизайн қаланың жарнама алаңдарында орналастырылады», - деп хабарлады әкімдіктің баспасөз қызметінен.

Байқау нәтижесі Алматы қаласы Мәдениет басқармасының ресми сайтында жарияланады.
Бірінші орын үшін жүлде қоры – 1 млн теңге, екінші орын алғандар – 500 000 теңге, үшінші орынға лайықталғандар 300 000 теңге алады.

Ұсыныстар альбом түрінде almatymadeniet02@gmail.com электрондық поштасына қабылданады.

Дереккөз ҚазАқпарат. Фото: livingasia.online